२०८१ आश्विन २०, आईतबार
|Remains of person
उलानबाटोर । मङ्गोलियाको राजधानीमा भएको ग्यास ट्याङ्कर विस्फोटमा मृत्यु हुनेको सङ्ख्या चार पुगेको राष्ट्रिय ट्रमा तथा अर्थोपेडिक रिसर्च सेन्टरले शनिबार जनाएको छ ।
दुर्भाग्यपुर्ण विस्फोटका कारण शरीरको ८०–९० प्रतिशत भन्दा बढी जलेका एक नागरिकको शुक्रबार राति अस्पतालमा उपचारका क्रममा मृत्यु भएको केन्द्रले विज्ञप्तिमार्फत् जनाएको छ ।
करिब ६० टन ग्यास बोकेको एउटा ट्याङ्कर बुधबार राजधानीको दक्षिणपूर्वी जिल्लाको एक चोकमा विस्फोट भएको प्रहरीले जनाएको छ ।
केन्द्रका अनुसार विस्फोटका क्रममा अन्य दश जनाभन्दा बढी घाइते भएका छन् ।
विस्फोटका कारण ३० भन्दा बढी सवारी साधनहरू जलेको तथा नजिकैका भवनहरू आंशिक रूपमा क्षतिग्रस्त भएको देशको राष्ट्रिय आपतकालीन व्यवस्थापन निकायले जनाएको छ । प्रहरीले विस्फोटको कारणबारे अनुसन्धान भइरहेको जनाएको छ ।
