पोखरा । नेपाल संवत् ११४४ पोखरामा विविध कार्यक्रम गरि मानाइने भएको छ । नेवाः खल कास्कीले सोमबार पत्रकार सम्मेलनको आयोजना गरि कार्यक्रम सार्वजनिक गरेको छ । कार्तिक २८ गते भिन्तुना र्यालीसहितका विविध कार्यक्रम आयोजना गरिएको नेवाः खल कास्कीका अध्यक्ष अशोक पालिखेले जानकारी दिए ।
२८ गते बिहान नारायणस्थानमा रहेको राष्ट्रिय विभूति शंखधर साख्वाको प्रतिमामा माल्यार्पण, भिन्तुना र्याली र औपाचारीक मुल समारोह (शुभकामना आदान प्रदान) आयोजना गरिएको पालिखेले जानकारी दिए ।
पोखरा पृथ्वीचोकबाट सुरु हुने र्याली नयाँबजार, महेन्द्रपुल, सिद्दार्थ चोक हुदै भिमसेनटोलमा पुगेर समापन हुने छ । र्यालीमा विभिन्न सास्कृतिक झाँकीसहित प्रदर्शन गरिने छ । र्यालीमा सहभागी समूहमध्यबाट प्रथम, द्धितिय, तृतिय र चौथो हुनेलाई पुरस्कारको व्यवस्था गरिएको पालिखेले जानकारी दिए ।
यस वर्ष ११४४ को शुभ साइत कार्तिक २७ गते परेको छ ।
राष्ट्रिय विभूति शंखधर साख्वाले विसं ९३७ इ सं ८८०० मा गरीब जनताको ऋण मोचन गरी नेपाल संवतको शुरुवात गराएका थिए । हाल नेवार समुदायले नेपाल सम्बत् नयाँ वर्षका रुपमा मनाउने गरेका छन् ।
