२०८३ अषाढ २१, आईतबार
पोखरा महानगरको शिक्षा महाशाखाले शैक्षिक सत्र २०८० को लागि संस्थागत विद्यालयको कक्षा ११ मा छात्रवृत्तिमा अध्ययन गर्न चाहने लक्षित वर्गका विद्यार्थीबाट आवेदन माग गरेको छ ।
महानगरको शिक्षा महाशाखाले आज एक सूचना जारी गर्दै संस्थागत विद्यालयको विभिन्न आरक्षित कोटामा अध्ययन गर्न चाहने विद्यार्थीका लागि आवेदन माग गरेको हो । महानगरले यही असार २२ देखि २८ गतेसम्म पोखरा-१६ ड्यामसाइडस्थित शिक्षा महाशाखामा आवेदन दिन विद्यार्थीलाई अनुरोध गरेको छ ।
काठमाडौं महानगरले संस्थागत छात्रवृत्तिमा कडाई गरेसँगै पोखरा महानगरले यस विषयलाई अघि सारेको हो । काठमाडौं महानगरले छात्रवृत्तिका लागि विद्यार्थी छनोट परीक्षासमेत आफै सञ्चालन गर्ने बताइसकेको छ । पोखरा महानगरले भने विद्यार्थी छनोटको प्रक्रियाबारे भने केही खुलाएको छैन ।
