२०८३ अषाढ २१, आईतबार
|प्रतीकात्मक तस्बिर
मकाउ पठाइदिन्छु भन्ने आश्वासन दिई रकम ठगी गर्ने गोरखाका एक पुरुष पक्राउ परेका छन् ।
गोरखाको गण्डकी गाउँपालिका-८ स्थायी घर भई ललितपुरको गोदावरी-१४ बस्दै आएका ५१ वर्षीय दुर्गाबहादुर रेग्मीलाई काठमाडौं उपत्यका अपराध अनुसन्धान कार्यालयको विशेष टोलीले ठैबबाट पक्राउ गरेको हो । रेग्मीले जित बहादुर थामा मगर नाम गरेका पीडितलाई वैदेशिक रोजगारीमा मकाउ पठाइदिन्छु भनेर ६ लाख ६० हजार रकम उठाई बेपत्ता भएका थिए ।
रेग्मीलाई थप अनुसन्धान तथा कारबाहीको लागि वैदेशिक रोजगार विभाग ताहाचल पठाइएको प्रहरीले जनाएको छ ।
