काठमाडौं । पछिल्लो समय रुस र फिनल्याण्डबीचको सीमा विवाद थप पेचिलो हुँदै गएको छ ।
फिनल्याण्डले रुसले फिनल्याण्डतर्फ शरणार्थी पठाएको आरोप लगाएको छ ।
यसैलाई मध्यनजर गर्दै बुधबार राजा जोसेपीको उत्तरी नाका दुई साताका लागि बन्द गरिएको छ ।
फिनल्याण्डले आफू रुसको ‘हाइब्रिड अपरेसन’ को सिकार भएको बताएको छ ।
यो महिना मात्र करिब रुसबाट ९ सय शरणार्थी सीमा पार गरी फिनल्याण्ड प्रवेश गरेका छन् । यो संख्या अहिलेसम्मकै धेरै हो ।
यस वर्षको अगस्टसम्म रुसले कुनै पनि विदेशी नागरिकलाई आवश्यक भिसाविना यहाँ आउन अनुमति नदिए पनि अहिले त्यस्तो हुन नसकेको सीमामा तैनाथ सुरक्षाकर्मीहरु बताउँछन् ।
फिनल्याण्डको रूससँग एक हजार तीन सय ४० किलो मीटर सीमा समेटिएको छ ।
फिलल्याण्डले उत्तरी क्षेत्रमा प्रवेश निषेध गर्नुअघि दक्षिण–पूर्वी सीमामा सात नाका समेत बन्द गरेको थियो ।
यद्यपि, रेलवे लाइन माल ट्रेनहरूको लागि खुला रहनेछ ।
फिनल्याण्डका आन्तरिक मन्त्री मारी रेन्टानेनले यसलाई राष्ट्रिय सुरक्षाको विषय भएको बताएका छन् ।
