काठमाडौं । शिक्षा, विज्ञान तथा प्रविधिमन्त्री अशोक राईले शिक्षक आन्दोलनको क्रममा शिक्षकहरूसँग भएको समझदारी अर्थतन्त्रले धान्ने र संविधानले मान्ने सीमाभित्र बसेर सम्बोधन हुने बताएका छन् ।
आइतबारको प्रतिनिधिसभा बैठकमा विद्यालय शिक्षा विधेयक २०८० माथि सैद्धान्तिक छलफलका क्रममा उठेका प्रश्नहरुको जवाफ दिँदै उनले शिक्षालाई मद्दत गर्ने र शिक्षकहरूलाई सुयोग्य बनाउने उपयुक्त र जायज मागहरुमा सरकार सकारात्मक रहेको भन्दै अर्थतन्त्रले धान्ने र संविधानले मान्ने सीमाभित्र बसेर सम्बोधन हुने बताएका हुन् ।
उनले भने, ‘शिक्षकहरुसँग भएको समझदारी सम्बोधन हुनुपर्छ भनेर माननीयज्यूहरुले राय राख्नुभएको छ । यसमा निश्चय नै उपयुक्त र जायज मागहरुलाई जसले शिक्षालाई मद्दत गर्छ, शिक्षकहरूलाई सुयोग्य बनाउन ,सम्मानित बनाउछ र सही ढंगले क्रियाशील बनाउन मदत गर्छ ती मागमा हामी सकारात्मक रहन्छौँ । वार्ताका क्रममा पनि भनेका थियौं अर्थतन्त्रले धान्ने र संविधानले मान्ने सीमाभित्र बसेर शिक्षकहरुको सबै कुरा पुरा गछौं, भनेको थियौं त्यसमा अहिले पनि प्रतिवद्ध रहेका छ ।”
मन्त्री राईले विधेयक बनाउने र दर्ता गराउने विषयमा सरोकारवालासँगको छलफलमा कहीँ कतै खाली ठाउँ देखा परेको बताए ।
उनले विधेयक पास भए बेस्ट एन्ड ब्राइट शिक्षक आउने दाबी गरे ।
