विराटनगर । झापाको अर्जुनधारा नगरपालिका–१० मा आगोले जलेर एकजना बृद्धाको मृत्यु भएको छ । उनका श्रीमान जलेर घाइते भएका छन् ।
बिहीबार राति स्थानीय ७३ वर्षीय शिवकुमार राईको टाटी बेरा र टिनको छाना भएको घरमा अचानक आगलागी हुँदा उनकी श्रीमती ७५ वर्षीया दिलकुमारी राईको जलेर घटनास्थलमै मृत्यु भएको प्रहरीले जनाएको छ ।
आगलागीको खबर पाएपछि अस्थायी प्रहरी पोष्ट सालबारीबाट प्रहरी टोली पुगेर स्थानीयको समेत सहयोगमा आगो निभाइएको थियो ।
आगलागीमा परी घाइते भएका शिवकुमारको शनिश्चरे अस्पताल शनिश्चरेमा उपचार भइरहेको कोशी प्रदेश प्रहरी कार्यालय विराटनगरले जनाएको छ ।
