काठमाडौं । एसीसी यू–१९ प्रिमियर कप क्रिकेटमा नेपालले आज इरानसँग खेलिरहेको छ ।
मलेसियामा आजदेखि सुरु हुने एसीसी यू–१९ प्रिमियर कप क्रिकेटमा समूह बी मा रहेको नेपाल र इरानबीचको खेल युएसडी युकेएम ओभलमा सुरु भएको हो ।
आगामी डिसेम्बरमा हुने यू–१९ एसिया कपमा छनोट हुने लक्ष्यसहित मलेसिया पुगेको नेपालले समूह चरणमा इरानसँगै बहराइन र साउदी अरेबियासँग खेल्नेछ ।
एसीसी यू–१९ प्रिमियर कपमा १६ टोली सहभागि रहेका छन् । शीर्ष तीन टोली मात्र यू१९ एसिया कपमा छनोट हुनेछन् ।
नेपालले दोस्रो खेल बहराइनसँग १५ अक्टोबर र तेस्रो खेल साउदीसँग १९ अक्टोबरमा खेल्नेछ ।
