काठमाडौं । आफूहरूलाई जिस्क्याएको भन्दै लैङ्गिक तथा यौनिक अल्पसङ्ख्यकहरुले आक्रमण गर्दा तीन जना घाइते भएका छन् ।
शुक्रबार राती काठमाडौंको जडीबुटी पेप्सीकोला सडकखण्ड अन्तर्गत छाप्रोमा झन्डै १०–१५ जनाका सङ्ख्यामा रहेका यौनिक अल्पसङ्ख्यकहरुले सवारी साधनमा समेत आक्रमण गर्दा तीन जना घाइते भएका हुन् ।
आक्रमणका कारण एउटा कार र झन्डै पाँच वटा मोटरसाईकलमा क्षति भएको छ भने घटना स्थलमा प्रहरी परिचालन गरिएको छ ।
बानेश्वरका डिएसपी निशान्त श्रीवास्तवले अहिले स्थिति सामान्य रहेको जानकारी दिए ।
उनले भने,‘ त्यस्तो अप्रिय घटना केही भएको हैन् । अहिले स्थिति सामान्य छ ।’
