काठमाडौं । प्रमुख प्रतिपक्षी दल नेकपा एमाले सरकारमा सामेल हुन तयार भएको छ ।
काङ्ग्रेससँगको सत्ता गठबन्धन टुटाएको खण्डमा नेकपा एमाले माओवादीसँग सहकार्य गरेर सरकारमा जान सहमत भएको हो ।
अध्यक्ष केपी शर्मा ओलीले सोमबार बिहान बालकोटमा बसेको पार्टीका पदाधिकारीहरुको बैठकमा विकसित घटनाक्रमबारे बिफ्रिङ गरेका थिए ।
एमाले उपमहासचिव प्रदीप ज्ञवालीले प्रधानमन्त्री पुष्पकमल दाहाल प्रचण्डले काङ्ग्रेससँगको सत्ता गठबन्धन टुटाए सहकार्यका लागि एमाले तयार रहेको बताएका छन् ।
