काठमाडौं । सवारी दुर्घटनामा परि दुई जनाको मृत्यु भएको छ ।
आइतबार दिउँसो बागलुङ, गलकोट नगरपालिका–३ बतासेडाँडा स्थित सडकमा ग.८ प १२२५ नम्बरको मोटरसाइकल अनियन्त्रित भई सडकदेखि करिब १ सय मिटर तल खस्दा दुईजनाको मृत्यु भएको हो ।
मृत्यु हुनेमा चालक सोही नगरपालिका–३ हटिया बस्ने ३५ वर्षीय गणेश परियारको घटनास्थलमै मृत्यु भएको छ ।
त्यसैगरि कञ्चनपुर, कृष्णपुर नगरपालिका–५ क्याम्पस रोडमा म.१ क १७७ नम्बरको बस र सु.प.प्र.०१०१२ प ६६१ नम्बरको मोटरसाइकल एकआपसमा ठक्कर खाई आइतबार दिउँसो दुर्घटना हुँदा एक जनाको मृत्यु भएको छ ।
मृत्यु हुनेमा मोटरसाइकल चालक सोही नगरपालिका–४ किचाई बस्ने २८ वर्षीय मदन बहादुर सिंह रहेका छन् ।
दुर्घटनामा गम्भीर घाइते भएका उनको सेती प्रादेशिक अस्पताल धनगढी कैलालीमा उपचारको क्रममा मृत्यु भएको हो ।
साथै दुर्घटनामा घाइते भएका मोटरसाइकलमा सवार १ जनाको सोही अस्पताल र अन्य १ जनाको निसर्ग अस्पताल धनगढीमा उपचार भइरहेको छ । बस चालकलाई प्रहरीले नियन्त्रणमा लिएको छ ।
दुवै दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
