काठमाडौं । आगामी भदौ २३ गते ललितपुरमाआयोजना हुन लागेको ‘मिस यूनिभर्स नेपाल २०२३’ का लागि अन्तिम प्रतिस्पर्धामा २२ जना यूवतीहरुले प्रतिस्पर्धा गर्ने भएका छन् ।
काठमाडौंको रायन होटलमा पत्रकार सम्मेलनको आयोजना गरि निर्देशक नग्मा श्रेष्ठले उक्त जानकारी दिएकी हुन् । कार्यक्रममा २२ जना प्रतिष्पर्धीहरु रातो कार्पेटमा हिँडेका थिए । उनीहरुले आफ्नो परिचय मिडिया र उपस्थित पाहुनाहरुलाई दिँदै रातो कार्पेटमा क्वाटवाक गरे ।
निर्देशक श्रेष्ठले मिस यूनिभर्स नेपाल २०२३’ को ग्राण्ड फिनाले भदौ २३ गते ललितपुरको गोदावरी कन्भेन्सन सेन्टरमा हुने जानकारी दिईन् ।
उनले यस वर्षको मिस युनिभर्स नेपालले नवीनतालाई अँगाल्ने विश्वास व्यक्त गरिन् ।
