भीआईपी र भीभीआईपीहरुको उपचार नेपालमै, विदेश गए आफ्नै खर्चमा: मन्त्री बस्नेत

भीआईपी र भीभीआईपीहरुको उपचार नेपालमै, विदेश गए आफ्नै खर्चमा:  मन्त्री बस्नेत

काठमाडौं । स्वास्थ्य तथा जनसंख्या मन्त्री मोहन बहादुर बस्नेतले भीआईपी र भीभीआईपीहरुको उपचार नेपालमै गर्नको लागि विशेषज्ञ डाक्टरहरुको टिम तयार गरेको बताएका छन् ।

आज मन्त्रालयमा आयोजित अन्तरक्रिया कार्यक्रममा मन्त्री बस्नेतले भीआईपी र भीभीआईपीहरुको उपचार नेपालमा गर्नाले जनताको माग पूरा हुने, र देशको सम्पत्ति बाहिर नजाने भन्दै चिकित्साकहरुको टिम बनाउँने बताए ।

उनले भने, भीआईपी र भीभीआईपीहरुको उपचारको नेपालमा नै गर्नुपर्छ नेपालमा भएका विशेषज्ञहरुबाट, जुन उपचारको लागि माननीयहरु बाहिर जानु भएको छ, त्यो उपचार नेपालमा नै हुन सक्छ । यसकारण विशेषज्ञ डाक्टरहरुको टिम तयार गरौं र वीर अस्पतालमा यसको सेवा सुरु गरौं । यहाँ हुदाँ हुदैँ पनि कोही बाहिर जान चाहनुभयो भने उहाँहरु आफ्नो स्वखर्चमा जानु हुन्छ । यसबाट जनताको माग पूरा हुने, देशको सम्पत्ति बच्ने हुन्छ र नेपाली चिकित्साकहरुप्रति विश्वास पनि बढ्छ । अब नेपाली स्रोत र साधनबाट उपचारका लागि आवश्यक सबै उपकरणहरु उपलब्ध छ । ’

मन्त्री बस्नेतले उक्त स्वास्थ्यकर्मीहरुको टिमले नेपालको स्वास्थ्य क्षेत्रमाथि विश्वास बढाउनुको साथै भएको जनशक्तिले बाहिरको नागरिकलाई पनि उपचारको लागि नेपालमा ल्याउँन सक्ने बताए ।

प्रतिक्रिया/सेयर

थप खबर

यो पनि पढनुहोस्