काठमाडौँ । मनाङ एयरको नाइन एनएनजे कलसाइन भएको हेलिकप्टर लोबुचेमा दुर्घटना भएको छ।
नागरिक उड्डयन प्राधिकरणका सुचना अधिकारी ज्ञानेन्द्र भुलका अनुसार रुम्झाटारबाट सोलुखुम्बुको लोबुचेका लागि उडेको हेलिकप्टर बिहान ७ बजेर १३ मिनेटमा दुर्घटना भएको हो ।
यात्रु लिन गएको हेलिकप्टर अवतरणका क्रममा दुर्घटना हुँदा पाइलट प्रकाश कुमार सेडाइ घाइते भएका छन् ।
उनलाई फिस्टेल एयर नाइनएन एजेआर कलसाइनको हेलिकप्टर मार्फत उपचारका लागि काठमाडौँस्थित ह्मास अस्पतालमा ल्याइएको छ । सूचना अधिकारी भुलका अनुसार पाइलट सेडाइको स्वास्थ्य अवस्था सामान्य रहेको छ ।
पाइलट सेढाई मात्रै सवार रहेको हेलिकप्टर दुर्घटनाको कारण भने खुल्न सकेको छैन ।
